معلومات عنا

OLIVED

من نحن قصتنا مع زيت الزيتون بدأت سنة 1989، لما ألوالد استثمر بأراضي بمنطقة جبلية بسوريا، السويداء. كانت فكرته يزرع أشجار الزيتون لأن أشجار الزيتون بتقدر تتحمل أصعب الظروف الجوية وكان استثمار طويل الأمد لأن أشجار الزيتون الغير معدلة وراثياً بتحتاج حوالي 10 سنين لتبلش تعطي ثمار. هلق بعد 36 سنة تقريباً، قررنا نعمل شي مختلف وخاص مش لأننا شايفين فرصة، بس لأننا شايفين مشكلة. و احنه كنا عايشين ب كذا دولة اخر اربع سنين, احدانا ببريطانيا و الاخر بالإمارات لدراسة، بس كنا دايماً شكاكين بزيت الزيتون اللي بالأسواق سواء ببريطانيا، الإمارات، أو الكويت. وبعدين صار عنا شغف، وحصاد زيت الزيتون هالسنة بدأ شي مميز. صار أساس حلمّنا نشارك زيت زيتون صادق وعالي الجودة مع العالم، و حبينا نقدم شو مننتج من حصادنا السنوي، ولأن واحد منّا لازم يضل خلال فترة الحصاد اللي بتاخد حوالي شهرين الى ثلاثة قررنا نستثمر بلموضوع لحتى نستثمر وقتنا. كبرنا متنقلين بين الكويت وسوريا، و عشنا فعلياً بين البلدين. بعد الثانوية، و بعد التخرج و العيش بالخارج وسّع آفاقنا، بس كمان فتح عيوننا على مشكلة، زيت الزيتون هناك ما كان متل ما بيدّعوا، ممكن مخلوط بزيوت نباتية، ملصقات غامضة و غير مفهومه، وأسعار غير منطقية، و توقعنا إنو يمكن كثير عالم شبيها لنا.. وهون لفينا على مزارع عيلتنا. وتعاونا مع صاحبنا منذ الصغر ناصر اشرف الشريفي بالكويت، و قررنا نبدأ و ما كان سهل أخد التراخيص، واجتياز فحوصات وزارة الصحة و حماية المستهلك، أخد منا حوالي 6 أشهر من الشغل المراكضه. بس بتاريخ 15 فبراير 2025، أطلقنا الشركة، وجيبنا زيت زيتون عضوي، معصور على البارد، بكر ممتاز، مباشرة من مزارعنا لعندكم. لنخلق ، حطينا قلبنا ووقتنا ومالنا، صراحة كتير منو كمان، إذا ما عجبكم ما تطلبوا منّا مرة تانية وخلص، بس بس، نحنا دقنا زيوت زيتون أكتر ما نقدر نعد، وفخورين نقول إنو منتجنا فيه شي مميز، صراحة، هو نقي، عضوي، بكر ممتاز، ومصنوع بعناية من المزرعة للعلبه. ما منعبيه بزجاجات؛ منعبيه بتليب من التنك من 4 ليتر و 16 ليتر، و علب 1 ليتر و2 ليتر مستقبلاً. ليش تنك؟ لأنو أحسن طريقة للحفاظ على زيت الزيتون، خصوصاً بالمطابخ الحارة مثل الخليج العربي. عكس الزجاج أو البلاستيك، التنك بيمنع الضوء، بيحافظ على الزيت بارداُ، وما بيأثر على طعمه نهائياُ، الزجاج والبلاستيك بيأثروا وحتى بعد فترة التعبئة و مع تأثير الشمس يخلط التعليب مع الزيت بشكل مجهري. بس، بس، خلونا نقولكم شي، مع العلب التنك كل نقطة بتضل متل يوم ما انعصرت. كمان تعاونا مع شركة امباور، شركة ناشئة صغيرة كويتية، لتتولى اللوجستيات وتوصيل زيتنا بنفس الحب. و قررنا، نبلش طبعاُ بالأسواق الكويتية، بس عندنا أحلام كبيرة، نوصل لموائد بالإمارات، عمان، وأبعد، وين ما كان الناس مشتهين طعم زيت الزيتون الحقيقي. بالنسبة إلنا، الزيت اللي بنقدمو مش بس شغل، هو قطعة من عيلتنا، طريقة نشارك شي حقيقي. بدنا تحسوا بهالشي لما تستخدموا زيتنا، سواء رشة على سلطتكم أو غمسة لخبزكم. لاننه نبني منتج نتمنى يتوارثه الأجيال دائم و ان نبني علاقة مع اللذين يقدرون الجودة وبرجعولنا لما زيت الزيتون البكر الممتاز بمطبخهم يخلص. فجربوا و انضموا لعيلتنا الصغيرة من محبي زيت الزيتون، لأنو والله طيب وطبعاً منحب يكون عندنا أي أسئلة لا تترددوا تسألوا. حموضة الزيت هي 0.7% ومحتوى الفينولات عندنا مرتفع لكل مل، اختبروه بمختبرات خاصة و اختبرو صدقنه، بياخد منا ثلاثة أشهر للحصاد والعصر، فنتمنى يكون يستاهل وقتنا. يمكنكم الطلب أو مراسلتنا على واتساب و وسائل التواصل الاجتماع